संस्कृतपत्रकारितायाः कालक्रमेण विकासः

अस्य शोधप्रबन्धस्य मुख्यविषयः संस्कृतपत्रकारितायाः उद्भवः, विकासः, ऐतिहासिकपरम्परा च अस्ति। आदयोः शब्द-अर्थयोः दार्शनिकाधारः निरूपितः, यतः शब्दः एव अर्थस्य अभिव्यक्तिमाध्यमं भवति। वैदिकदृष्ट्या “शब्दब्रह्म” इति संकल्पना पत्रकारितायाः दार्शनिकमूलं प्रकाशयति। वेदेषु “दूत” संज्ञा, सभा-समिती-व्यवस्था, राजदूतप्रणाली च संचारव्यवस्थायाः प्राचीनरूपत्वेन विवृता। पुराणेषु विशेषतः नारदमुनेः संवादपरम्परा पत्रकारितायाः आद्यरूपेण निरूपिता। प्राक्-स्वातन्त्र्यकाले संस्कृतपत्रकारितायाः संगठितरूपेण आरम्भः अभवत् ।अनन्तरं स्वतन्त्रकालात् अनन्तरं कथं पत्रकारितायाः विकासः जातः तस्य विषये विस्तृतं वर्णनं वर्तते , एवञ्च आधुनिकसंस्कृतपत्रकारितायाः विषये ज्ञानं भविष्यति ।